रुकुम पनि अब झिलिमिली हुने

लघुजलविद्युत्, सौर्य घरेलु प्रणालीबाट विद्युतीकरण गरी २ वर्षभित्र रुकुमलाई उज्यालो बनाउने लक्ष्यका साथ सञ्चालन गर्न लागिएको रुकुम उज्यालो कार्यक्रमले आगामी भदौदेखि तीव्रता पाउने भएको छ ।
कार्यक्रमअन्तर्गत रुकुममा ६ वटा लघुजलविद्युत् योजनाको काम भदौदेखि सुरु गर्न लागिएको जिल्ला ऊर्जा तथा वातावरण शाखाले जनाएको छ । सो कार्यक्रमअन्तर्गत रुकुममा ११७ वटा योजनाको सर्भे भएको छ भने ५९ वटा योजना जिल्ला जलस्रोत समितिमा दर्ता भएका छन् । तीमध्ये जाङको घुमि्रघाट, हुकामको तामागाढ, मैकोटको खुम्नाखोला, काक्रीको लुकुम, मोरावाङको क्याङ्सी र चुनवाङको चुनवाङ खोलामा भदौदेखि योजना निर्माण सुरु हुने भएको छ ।