रुकुम विद्युत् र फोनबिहीन

रुकुम, जेठ २९ (नागरिक)- दुई सातादेखि रुकुम विद्युत् र टेलिफोनबिहीन बनेको छ। बाफिकोटस्थित पावरहाउसभित्र मोटर बिग्रिएपछि विद्युत् आपूर्ति बन्द भएको रुकुमेली ऊर्जा विकास समितिले जनाएको छ। समितिका अनुसार डाइनामा बिग्रिएको र विद्युत् भोल्टेजमा कम उत्पादन भएकाले विद्युत् केही महिनाको लागि बन्द गरिएको हो। सदरमुकाम खलंगालगायत ५ गाविसमा विद्युत् छैन। विद्युत् र टेलिफोन अवरुद्ध भएपछि रुकुमका सञ्चारकर्मीहरु जेनेरेटरबाट समाचार पठाउन थालेका छन् । उता विद्युत् नभएपछि नेपाल टेलिकम रुकुमको नमस्ते मोबाइलको टावरमा चार्ज हुन सकेको छैन। जसले गर्दा टेलिफोन पनि अवरुद्ध भएका स्थानीय पत्रकार लक्ष्मण केसीले जानकारी दिएका छन् । विद्युत् कार्यालय रुकुमका अनुसार असारको पहिलो हप्ताभित्र विद्युत् आइपुग्छ।

साभार : नागरिक १२ जून