रुकुममा पहिलोपटक एमएड पढाइ

१९ साउन काठमाडौं । सदरमुकाम खलङ्गास्थित खलङ्गा बहुमुखी क्याम्पसमा यसै शैक्षिकसत्रदेखि स्नातकोत्तरतहमा पढाइ हुने भएको छ । त्रिभुवन विश्वविद्यालयले उक्त क्याम्पसमा शिक्षाशास्त्रमा स्नातकोत्तरतहको पाठँक्रम अध्यापनको अनुमति दिएको क्याम्पसका निमित्तप्रमुख हरिविष्णु ओलीले जानकारी दिए ।
रुकुममा पहिलोपटक स्नातकोत्तरतहको पढाइ हुने भएपछि छिमेकी जिल्ला जाजरकोट बाग्लुङ डोल्पा र सल्ल्यानका विद्यार्थीलाई सजिलो भएको उनले बताए । यसअघि उच्चशिक्षाका लागि यस भेकका विद्यार्थी नेपालगन्ज सुर्खेत पोखरा र राजधानी जान बाध्य थिए ।