सल्ले विमानस्थलमा अनिश्चितकालीन उडान बन्द

रासस
रुकुम, अषाढ १७ - सल्ले विमानस्थलबाट हुने हवाइ सेवा अर्को सूचना नआएसम्म अनिश्चितकालीन सेवा बन्द भएको छ ।
नेपाल वायुसेवा निगम रुकुमले सूचना प्रकाशन गरी यस्तो जानकारी दिएको हो ।
निगमका अनुसार टावरमा टावर अपरेटर नभएकाले सेवा बन्द भएको बताइएको छ । उता सेवाग्राहीले भने निगम रुकुमका कार्यालय प्रमुखको बदमासीका कारण हवाइ यातायात अनिश्चितकालका लागि अवरुद्ध भएको आरोप लगाएका छन् ।
मुखिया रमेश पोखरेललाई निमित्त कार्यालय प्रमुख बनाई त्यस कार्यालयका प्रमुख अमरदीप राई घर बिदामा बसेपछि अस्तव्यस्त भएको कार्यालयले हवाइ सेवा सञ्चालन गर्न नसकेको समेत खुल्न आएको छ ।